ვისწავლოთ ხალისით

კარლსონი

სახურავის მობინადრე კარლსონი ესტუმრა კეთილ ბიჭუნას.
ბიჭუნამ სტუმარს გამოუტანა მურაბა, რომელიც ქილიანად იწონიდა 3კგ-ს.
როდესაც კარლსონმა შეჭამა მურაბის ნახევარი, მაშინ ქილამ მურაბასთან ერთად აიწონა 2 კგ.
რამდენი კილოგრამი მურაბა შეუჭამია კარლსონს?

 **************************************************************************************

ვაშლები

მაქვს სამი კალათა, რომელთაგან თითოეულში 11 ვაშლია. ყოველი კალათიდან ვიღებ თითო ვაშლს შემდეგი წესით: მარცხენა, შუა, მარჯვენა; შუა, მარცხენა, შუა და ა.შ.

მაშინ, როცა შუა კალათა დაცარიელდება, დანარჩენი ორი კალათიდან ერთ-ერთში მეტი ვაშლი აღმოჩნდება, ვიდრე მეორეში.

მაინც, რამდენით?

ტყის პირას

ტყის პირას დგას 4 მუხის ხე. თითოეულ ხეს აქვს 6 დიდი და 10 პატარა ტოტი.
თითოეულ დიდ ტოტზე ასხია 12 ვაშლი, პატარებზე კი - 5 -5 ვაშლი.
სულ რამდენი ვაშლი ასხია ოთხივე ხეს?

*************************************************************************************

მართკუთხედის კუთხეები
მართკუთხედს აქვს ოთხი კუთხე. ხის ფირფიტისაგან დაამზადეს მართკუთხედი, რომელსაც ჩამოაჭრეს ერთი კუთხე.
რამდენი კუთხე დარჩება ფიგურას?

**************************************************************************************

ამოცანა - ხუმრობა
ცარიელ ორმოსთან 5 მანეთიანი და 10 მანეთიანი შეეჯახნენ ერთმანეთს და ყველანი შიგ ჩაცვივდნენ.
რამდენი მანეთია ახლა ორმოში?

გამოიცანი რიცხვი

ხეზე 40 ბეღურა იჯდა. მონადირემ გაისროლა თოფი და მოკლა 7 ბეღურა.

რამდენი ბეღურა დარჩა ხეზე?

 *****************************************************************************

. რამდენი ნამცხვარი იყო?


მაგიდაზე ეწყო ნამცხვრები. ორმა დედამ, ორმა გოგონამ, ბებიამ და შვილიშვილმა აიღეს თითო ნამცხვარი. ამით ნამცხვრები გათავდა კიდეც.
რამდენი ნამცხვარი ეწყო თავდაპირველად მაგიდაზე?

******************************************************************
რამდენია სიგრძე?
ნინომ დახაზა სამი მონაკვეთი. პირველი სიგრძით 9 სმ., მეორე 2 სმ - ით მოკლე პირველზე, ხოლო მესამე - ამდენითვე ნაკლები მეორეზე.
რა სიგრძისაა მეორე მონაკვეთი?
რა სიგრძისაა მესამე მონაკვეთი?